Ospitaleko laguntza
Ospitalea humanizatzen dugu
Minbizia duten haur eta nerabeek denbora luzea ematen dute ospitalean. Familia osoa, bat-batean, ingurune ezezagun batean dago, eta horrek guztiak sentimendu eta sentsazio zailak eragiten ditu, hala nola beldurra, larritasuna edo ziurgabetasuna. Familia osoa zaindu eta babestea eta kalitateko ospitale-bizitza sustatzea da ASPANOVASen eginkizuna diagnostikoa egiten den unetik.
Tailer terapeutikoak ospitalean
Ospitalean dauden adingabeekin egiten den lana, batez ere, emozioekin lan egitea da. Guraso garen aldetik, badakigu oso garrantzitsua dela gaixotasunean eta tratamenduan deskonexio-espazioak izatea; horregatik, ASPANOVASek hainbat tailer terapeutiko egiten ditu, profesionalek zuzenduak.
Tailer horiek oxigenoa ematen dute, eta haurren ospitale-errutinen eragina eta horiek eragiten dituzten faktore estresagarriak minimizatzen dituzte.
