Muina ematea
Egin zaitez emaile, muina ematen bizitza ematen duzu
Zer da hezur-muina ematea?
Odoleko gaixotasunak dituen pertsona baten zelula gaixoen ordez, pertsona emaile baten zelula osasuntsuak erabiltzen dira.
Zelula horiei zelula ama edo guraso hematopoietiko deritze, eta hezur batzuen barruan egoten dira, hala nola gandor iliakoen barruan (aldakako hezurra), hezur-muin deritzonaren barruan.
Hezur-muina ematea lehentasunezko osasun-programa da Osakidetzan, pertsona askok transplantea behar baitute gaixotasuna gainditzeko aukera bakar gisa.
Nola egin zaitezke emaile Euskadin?
Lehenik eta behin, Emailearen gidan informatu; eta, pausoa eman nahi baduzu, Osakidetzak prozedura erraz bat du definituta, hau da, bere web-orrian emaile unibertsal gisa erregistratzea.
Ondoren, Transplantea Koordinatzeko Zerbitzuarekin edo Osakidetzako Transfusio eta Giza Ehunen Euskal Zentroarekin hitzordua hartzen da zalantzak argitzeko, odol-analisia egiteko eta baimena sinatzeko.
Hemendik aurrera, hezur-muineko emaileen Estatuko Erregistroaren parte izango zara, behar duen munduko edozein pertsonarentzat.
