Minbizia duten adingabeen familiek “Haur Minbizia ipuinkeriarik gabe” ipuina argitaratu dute, gaixotasunaren inguruko hizkuntza arduratsua sustatzeko

• FEFCIk eta bere elkarte-mugimenduak (horien artean dago ASPANOVAS) irailaren 18an argitaratu dute gaixotasunari buruz hitz egiteko termino alternatiboak proposatzen dituen ipuina.3

Haur Minbizia duten Familien Espainiako Federazioak (FEFCI), ASPANOVASek parte hartzen duen elkarte-mugimenduarekin batera, “Haur Minbizia ipuinkeriarik gabe” ipuina kaleratu du. Herritar guztiei zuzendutako ipuin honek termino alternatiboak proposatzen ditu haurren minbizia hizkuntzaren erabilera egokiarekin eta ikuspegi enpatiko, arduratsu eta asertiboarekin tratatzeko.

Material honek Sergio Montal ilustratzailearen laguntza du eta, asmo onekoak izan arren, minbizia duten adingabe eta nerabeengan eta haien familiengan ondoeza, estresa edo tristura eragin ohi duten esaldi, kontzeptu eta terminoen inguruan gogoeta egitera gonbidatzen gaitu.
“Haur Minbizia ipuinkeriarik gabe” Haur Minbiziaren Sentsibilizazio Hilabetearen barruan kokatzen da, urtero irailean ospatzen dena. Ekimen honen helburua gaixotasunaren errealitatea gizarte osoari ikusaraztea da, paziente onkohematologikoen, biziraun dutenen eta senideen bizi-kalitatea hobetzea helburu duten jardueren bidez.
Ipuin honek historikoki haurren minbiziarekin lotu izan diren kontzeptu errotuak eta irudi estereotipatuak aztertzen ditu. Horren adibide da hizkera belikoaren erabilera, “txapeldun” edo “gerlari” terminoekin, adingabeak “irabazleen”, gaixotasuna gainditzen dutenen eta “galtzaileen”, hiltzen direnen artean sailkatzen baitituzte, eta horrek adingabeak berak sendatzearen erantzule egiten ditu.

Liburuak beste estereotipo batzuk ere jorratzen ditu, hala nola “superheroiena”, paziente onkohematologikoak gizatasuna kentzen diena, edo ilerik gabeko edo zapia duten gazte irribarretsuen irudikapenak, tratamenduaren etapa jakin bati lotzen zaion ikusmenezko hizkera, kasu guztietan nahitaez gertatzen ez dena.
Montalen ilustrazioen bidez, ipuinak banan-banan berrikusten ditu kontzeptu horiek, eta aukera egokiagoak eskaintzen ditu haurren minbiziari modu errealistago eta enpatikoago batean tratatzeko, minbizia duten adingabeen eta nerabeen osasun mentala errespetatuz.