Minbizia duten haur eta nerabeen familiek haurren minbizian hizkuntzaren erabilera hobetzeko beharra azpimarratu dute

Minbizia duten Haurren Gurasoen Espainiako Federazioa (FEPNC) osatzen duten elkarteok, horien artean ASPANOVAS, haur eta nerabe minbizian hizkuntza egokia erabiltzearen garrantzia azpimarratzen dugu. Askotan, asmo oneko terminoak eta kontzeptuak erabiltzen dira, minbizia duten adingabe eta nerabeengan eta haien familiengan ondoeza, estresa edo tristura eragin dezaketenak.

Haur Minbiziaren Sentsibilizazio hilabetean, erronka hau proposatzen dugu: haur-minbizian hizkuntzaren erabilera hobetzea hezkuntza-arloan edo eremu mediatikoan, besteak beste, estigmak edo irudi estereotipatuak desagerrarazteko, hala nola adingabeak superheroiekin edo borrokalariekin lotzen direnean sortzen direnak. Erronka honi aurre egiteko, Federazioak eta berau osatzen duten elkarteek, horien artean ASPANOVAS, irailaren 18an “Cáncer infantil sin cuentos” ipuina argitaratuko dugu, gaixotasunaz hitz egiteko termino alternatibo eta asertiboak proposatzen dituena.

Gainera, urtero bezala, Bizkaiko hainbat eskolek bat egingo dute ikasleak ospitaleratutako paziente onkohematologikoei laguntzeko mezuak bidaltzera animatzeko diseinatu den jarduerarekin. Gomendioen bidez, ikasleek hausnartuko dute zergatik den hain garrantzitsua hizkuntza enpatikoa sustatzea, eta gizartean errotuta dauden zenbait adierazpenek duten eragin negatiboari buruz.